10 июлдан бошлаб Ўзбекистонда кескин карантин чекловлари қайта кучга кириши, турли кўча ва маҳаллаларга блокпостлар ўрнатилиши, шахсий автомашиналардан фойдаланишга белгиланган вақтларда рухсат берилиши туфайли Тошкент шаҳрига кириш-чиқишдаги постлар яқинида, шунингдек, пойтахтнинг марказий кўчаларда тирбандликлар кузатилмоқда.
Жумладан, интернетда ҳайдовчилар Қўйлиқ 5-мавзесидаги йўлнинг ёпилиши машиналарнинг тўпланишига, Тошкент ҳалқа йўлига чиқишнинг имконсизлигига сабаб бўлаётганини қайд этмоқда.
Шунингдек, Тошкент давлат аграр университети чорраҳасидан Юнусобод туманига олиб борувчи йўлда ҳам тирбандлик кузатилган. Бу ерда Тошкент вилояти Қибрай туманини шаҳар билан боғловчи ЙПХ пости жойлашган.
Тошкент халқаро аэропортига олиб борадиган йўл, Сағбон, Қорасарой кўчаларининг Нурафшон кўчасига олиб чиқадиган чорраҳаларида, Шастри кўчасида, Отчопар бозори атрофида Қуёшлигача (айрим ҳайдовчилар «Эркин» ЙПХ постигача машиналар турнақатор эканини айтмоқда), Юнусобод туманида Себзор—Юнусобод кўпригидан Юнусобод деҳқон бозоригача бўлган йўлда, шунингдек, «Роҳат» йўл-патруль пости атрофида трибандликлар юзага келган.
Изоҳ (0)