COVID-19’га қарши «Коронавир» препарати Россия Соғлиқни сақлаш вазирлигининг хулосасини олди. Дори воситаси «Р-Фарм» компанияси томонидан ишлаб чиқилган, деб ёзмоқда «РИА Новости».
Бу Россияда коронавирус инфекциясини даволашда қўлланилаётган учинчи препарат, аввал «Авифавир» («ХимРар» ва Россия Фармасевтика ва ишлаб чиқариш институти) ва «Промомед» компаниясининг «Арепливир» препаратига хулоса берилганди.
Қўллаш бўйича кўрсатмалар
«Коронавир»дан фақат стационар даволашда фойдаланиш мумкин. Ҳомиладор аёлларни даволашда дори воситасини қўллаш тақиқланади, шунингдек, эмизикли аёлларга, оғир буйрак хасталиги ва буйрак етишмовчилиги мавжуд беморларни даволашда ҳам ушбу препаратдан фойдаланиб бўлмайди. Препаратни 18 ёшдан кичикларни даволашда ишлатиш мумкин эмас.
Дори воситаси фавқулодда вазият келиб чиқишининг олдини олиш ва уни бартараф қилиш шароитида рўйхатдан ўтказилган. Кўрсатма чекланган миқдордаги клиник маълумотлар асосида тузилган ва янги ахборотлар келиб тушганида янада тўлдирилади.
«Р-Фарм» компанияси Россия Фармасевтика ва ишлаб чиқариш институти билан ҳамкорликда «Коронавир»дан ташқари инфекцияга қарши кураш учун 4 миллиарддан кўпроқ инвестиция маблағларини жалб этган. Хусусан, COVID-19 асоратларини даволашга қаратилган олокизумаб препарати ва касалликка қарши вакцина ишлаб чиқилади.
ЖССТ томонидан билдирилган қизиқишАввал Жаҳон соғлиқни сақлаш ташкилоти «Авиафир» воситаси ҳақида маълумотларни сўраган. Шунингдек, ЖССТ Россияда ишлаб чиқиладиган вакцина тайёр бўлишини кутмоқда.
Ташкилотнинг асосий илмий ходими Сумия Сваминатан ЖССТнинг махсус дастури асосида коронавирусга қарши препарат ва вакциналар ҳақидаги маълумотлар алмашинуви амалга ошаётганини қайд этган. Шунингдек, россиялик олимлар ҳам ушбу дастур доирасида ўзаро ҳамкорлик қилишга рози бўлишига умид боғлаган.
Россия мазкур дастур иштирокчиси эмас. АҚШ, Буюк Британия, Хитой ва Франция давлатлари ҳам лойиҳада иштирок этмаяпти.
Изоҳ (0)