Қуйидаги Болливуд юлдузлари тўй маросимини турли маданий урф-одатларни бирлаштирган ҳолда ўтказгани билан эсда қолган.
Приянка Чопра ва Ник Жонас
Бошқа юлдузлар йиллаб учрашиб, турмуш қуришга қарор қилгунича, Приянка Чопра ва Ник Жонас танишганига 6 ой бўлмасдан оила қуришга қарор қилган. Жуфтлик 2017 йилда MET Gala’да учрашган ва шундан кейин ўрталарида илиқлик пайдо бўлган. Ник Приянка билан бирга бир неча маротаба Ҳиндистонга бориб, оиласи билан учрашишга муваффақ бўлган. Машҳурлар 2018 йилда икки хил: ҳиндча ва христианча тўй маросимини ўтказган.
Карина Капур ва Саиф Али Хон
2007 йилдан бери муносабатда бўлган Карина Капур ва Саиф Алихон Болливуднинг қироллик жуфтлиги деб аталади. Жуфтлик ўртасида севги учқунлари «Ташан» фильмининг суратга олиш жараёнида пайдо бўлган. Беш йил давомида учрашиб юриб, 2012 йил муносабатларини никоҳ риштаси билан боғлаган жуфтликнинг ҳозирда Таймур исмли фарзанди бор. Уларнинг тўйи икки маданият: панжоб куди ва наваба Патаудидан иборат бўлган.
Дипика Падуконе ва Ранвир Сингх
«Рам ва Лила» фильмининг суратга олиш жараёнида бир-бирига ошиқ бўлган жуфтлик муносабатларини 6 йил давомида бошқалардан сир тутган. Жуфтлик ҳеч қачон ўрталаридаги туйғулар ҳақида оғиз очмаган. Уларнинг 2018 йил ижтимоий тармоқда тўйлари ҳақида эълон қилгани мухлисларни ҳайратга солган. Дипика — каннада брамин, Ранвир эса синдхи эканлигига қарамай турмуш қурган ва ўз маданиятларини тўй маросимида бирлаштирган. Аввалига Конкани услубида маросим ўтказган машҳурлар, эртаси куни Италиядаги Комо кўлида, синдхи услубида тўй қилган.
Женелия дъСоуза ва Ритеш Дешмукх
Ушбу жуфтлик ҳам тўйида икки турли маданиятни бирлаштирган. Женелия католик, Ритеш эса маратхи эканига қарамай муносабатларини никоҳ билан боғлаган. Жуфтлик бири-бирининг урф-одатларига ҳурмат сифатида 2012 йилда махараштриан ва христианча тўй қилган.
Бипаша Басу ва Каран Сингх Гровер
Юқоридагилар сингари Бипаша бонг, Каран эса панжоблик экани оила қуришига қаршилик қилмаган. Жуфтлик тўйи бенгалча бўлса-да, панжобча ўйин-кулги ва томошалар билан ҳам ўтган.
Изоҳ (0)