Шоу-бизнес вакилларининг нафақат ижоди, балки ҳаёт тарзи — қандай уйда яшаши, ҳайдайдиган машина модели ҳам ўқувчилар учун қизиқ ҳисобланади. Қуйида турк киносаноати вакиллари гаражидан қандай машина ўрин олганига тўхталамиз.
Чаглар Эртугрул
«Фазилатхоним қизлари» фильмидаги роли билан яхши таниш бўлган Чаглар Mercedes GLA-Class машинасини ҳайдашни афзал билади. «Фазилатхоним қизлари» сериалининг суратга олиш жараёнида Mercedes ҳайдаган актёр уни «Мария» деб атаган.
Дениз Байсал
Дениз Байсал ҳам Чаглар сингари Mercedes’нинг мухлиси ҳисобланади. Актриса Mercedes-Benz Türkiye’нинг вакили ҳисобланади.
Айбуке Пусат
Mercedes севувчи турк актрисаларидан яна бири актриса Айбуке Пусат саналади. Айбуке ҳам Mercedes-Benz Türkiye билан реклама шартномасини имзолаган.
Арас Булут Ийнемли
Актёр кундалик учун Ford Ranger ҳайдашни хуш кўрса-да, унинг машиналар тўпламида, BMW ва Mercedes’ни учратиш мумкин. «Чуқур» сериалининг юлдузи бўлган Арас Fiat машинасининг Туркиядаги вакили ҳисобланади.
Элчин Сангу
«Ижара севги » сериалида Дафна роли билан яхши таниш бўлган Элчин Land Rover машинасини ҳайдашни маъқул билади.
Бариш Ардуч
Актёр фильмларда Mercedes билан намоён бўлса-да, ҳаётда Audi ҳайдашни афзал билади. Бундан ташқари у Ford автомобилининг Туркиядаги вакили ҳисобланади.
Жан Яман
«Тўлиной» ва «Тонг қуши» сериалларида бош қаҳрамон ролини гавдалантиргани билан яхши маълум бўлган Жан Яман гаражига назар ташланса, Ford, Volkswagen, Mercedes ва бошқа машиналар бор эканини кўриш мумкин.
Кадир Догулу
Турк киносаноатининг юлдузли жуфтлиги бўлган Кадир Догулу ва Неслихон Атагул шаҳар кезиш учун BMW машинасини танлайди.
Бурак Дениз
«Маликам менга қара», «Бизнинг ҳикоя» сериаллари юлдузи Бурак Дениз гаражида BMW машинасининг бир неча моделлари борлигига гувоҳ бўлиш мумкин. «Маликам менга қара» сериалидаги Мурод образида Land Rover Discovery’да намоён бўлган актёр Туркиянинг GQ тақдирлаш маросимига қизил Volkswagen’да келган.
Ханде Эрчел
Латофатли актриса Ханде Эрчел Audi 8 машинасида ҳаракатланади.
Киванч Касабали ва Седеф Авджи
Ушбу юлдузли жуфтлик Jeep машинасини хуш кўради. Яқинда Киванч Касабали ва Седеф Авджи Jeep Compass сотиб олган.
Серенай Сарикая
Машҳур актриса актёр Керем Бюрсин билан уч йиллик муносабатларига чек қўйганидан кейин данғиллама уйга кўчиб ўтиб, Volvo машинасини харид қилган.