Турк сериалларидаги ҳар бир қаҳрамон учун алоҳида образ яратилади. Айниқса аёл қаҳрамонлар фильмларда киядиган либослари мухлислар эътиборидан ҳеч қачон четда қолмайди. Қуйида турк сериалларидаги энг дидли аёл қаҳрамонларни санаб ўтамиз.
10. «Қўлимни қўйиб юборма» фильмидаги Сумру образи
Ушбу фильмдаги қизғиш сочли актрисанинг, Сумро ролида кийган ранг-баранг либослари унинг қиёфаси билан ўзига хос уйғунлашган.
9. «Мўъжизавий шифокор» сериалидаги Белиз образи
Белиз образини ижро қилган актрисанинг ташқи кўриниши унчалик ўзига тортмайди, лекин унинг кийиниш услуби эътибордан четда қолмаслиги аниқ.
8. «Опа-сингил қизлари» сериалидаги Умай Карай образи
Қаҳрамон Умар Карайнинг мазкур сериалдаги қизил ва ёрқин либослари томошабин диққатидан четда қолмаган.
7. «Азиза» сериалидаги Азиза образи
Сериалдаги Азиза қаҳрамони оддий, содда қиз бўлишига қарамай, ўзига хос услуби борлиги, сочини тасма билан турмаклаши, тартибли юбкаси уни жозибали қилиб кўрсатади.
6.«Қаҳратон» сериалидаги Беррак образи
Ушбу фильмда актриса Хазал кам намоён бўлишига қарамай, дид билан кийиниш услуби эсда қолгани аниқ.
5. «Рамо» сериалидаги Сибел образи
Ушбу қаҳрамон образини мукаммал деб айтиш мумкин, айниқса, кўк ва яшил уст кийими актрисага жуда ҳам ярашган.
4. «Золим Истанбул» сериалидаги Дамла образи
Дамла қаҳрамони жозибали кийиниш услуби билан «Золим Истанбул»га кўрк бериб турган деса янглиш бўлмайди.
3. «Қора ният» сериалидаги Зеҳра образи
Ушбу сериални томоша қилиш давомида, Зеҳранинг кийиниш услуби ва соч турмаги ярашганидан унга тақлид қилиш фикри туғилиши ҳеч гап эмас.
2. «Қора ният» сериалидаги Эндер образи
Эндер образига мафтун қолмасликнинг иложи йўқ. Унинг нафақат кийиниши, балки ўзини тутиши ҳам кишини ўзига жалб қилади.
1.«Зулейҳа» сериалидаги Зулейҳа образи
Зулейҳанинг кийиниш услубига назар ташлаб, фильмнинг либос бўйича дизайнерлар Зулейҳа учун алоҳида ва обдон ишлаган деган хулосага келиш мумкин.
Изоҳ (0)