Ўзбекистонда 2020 йил 7 июль соат 23:30 ҳолатига кўра, коронавирус инфекцияси қайд этилган беморлар сони 83 нафарга кўпайди ва касалланганларнинг умумий сони 10 670 нафарга етди. Бу ҳақда Соғлиқни сақлаш вазирлиги хабар қилди.
Янги касалланиш ҳолатларининг
- 23 таси Тошкент вилоятида (шундан 16 таси коронавирусга чалинганлар билан мулоқотда бўлиб, карантинга олинган фуқаролар орасида, 7 таси аҳоли орасида);
- 18 таси Тошкент шаҳрида (шундан 4 таси коронавирусга чалинганлар билан мулоқотда бўлиб, карантинга олинган фуқаролар орасида, 14 таси аҳоли орасида);
- 15 таси Бухоро вилоятида;
- 15 таси Сирдарё вилоятида;
- 12 таси Навоий вилоятида коронавирусга чалинганлар билан мулоқотда бўлиб, карантинга олинган фуқаролар орасида аниқланган.
7 июль кун давомида Тошкент шаҳридаги тиббиёт муассасаларида 59 нафар, Қашқадарё вилоятида 54 нафар, Жиззах вилоятида 6 нафар, Бухоро вилоятида 2 нафар, жами 121 нафар бемор тузалди. Шундай қилиб Ўзбекистонда 6811 (+121) нафар коронавирус инфекциясига чалинган фуқаро (63 фоиз) соғайган. 3819 нафар беморга шифокорлар томонидан белгиланган стандартлар бўйича даво чоралари кўрилмоқда (24 нафари оғир, 13 нафари эса ўта оғир аҳволда).
Аввал мамлакатда 2020 йил 7 июль соат 10:00 ҳолатига кўра, коронавирус инфекцияси қайд этилганлар сони 97 кишига кўпайгани, кейинчалик соат 17:30 ҳолатига кўра, коронавирус инфекцияси қайд этилган беморлар сони 128 кишига ортиб, жами 10 587 нафарни ташкил қилган. Шу тариқа 7 июль кун давомида жами 308 нафар кишида коронавирус инфекцияси борлиги аниқланган.
Ўзбекистонда COVID-19 эпидемияси бошланганидан бери жами 40 нафар бемор коронавирус инфекцияси асоратлари оқибатида вафот этган.
