O‘zbekistonda 2020-yil 7-iyul soat 17:30 holatiga ko‘ra, koronavirus infeksiyasi qayd etilgan bemorlar soni 128 kishiga ko‘payib, 10 587 nafarni tashkil etmoqda. Bu haqda Sog‘liqni saqlash vazirligi xabar berdi.

Yangi kasallanganlarning

  • 112 nafari Toshkent shahrida (shundan 84 nafari koronavirusga chalinganlar bilan muloqotda bo‘lib, karantinga olingan fuqarolar orasida, 28 nafari aholi orasida);
  • 11 nafari Qoraqalpog‘istonda (shundan 6 nafari koronavirusga chalinganlar bilan muloqotda bo‘lib, karantinga olingan fuqarolar orasida, 2 nafari aholi orasida, 3 nafari xalqaro yuk tashuvchi avtomashina haydovchilari orasida);
  • 2 nafari Jizzax viloyatida;
  • 2 nafari Qashqadaryo viloyatida aholi orasida;
  • 1 nafari esa Toshkent viloyatida xalqaro yuk tashuvchi avtomashina haydovchilari orasida aniqlangan.

Ayni paytda O‘zbekistonda 6690 nafar koronavirus infeksiyasiga chalingan fuqaro sog‘aygan, mamlakatda kasallikdan vafot etganlar soni 39 nafarga yetgan. Shu bilan birga, Navoiy viloyatida koronavirusdan ilk o‘lim holati qayd etildi, biroq bu haqda Sog‘liqni saqlash vazirligi hozircha rasman ma’lumot bergani yo‘q.

Hozirda mamlakatda 3858 nafar bemorga shifokorlar tomonidan belgilangan standartlar bo‘yicha davo choralari ko‘rilmoqda.