Фарғона шаҳрида гиёҳванд моддасини ноқонуний тарзда сақлаган шахс қўлга олинди. Текширувлар натижасида у аввал яна бир жиноят қилгани аниқланди, дея хабар берди Ички ишлар вазирлиги ҳузуридаги Тергов департаменти.
Қайд этилишича, 2020 йил 18 июнь куни соат 23:10 да Фарғона шаҳар ИИО ФМБ ходимлари томонидан ўтказилган тадбир давомида Фарғона шаҳар Саккокий кўчасида жойлашган «Уржуза» шифохонаси олдида ўзини шубҳали тутган 46 ёшли Э.Х. Фарғона шаҳар ИИО ФМБ биносига олиб келинган. Э.Х.нинг ёни холислар иштирокида кўздан кечирилганида унга тегишли Samsung русумли телефон аппаратининг орқа қисмига қўнғир рангли, ўзига хос ҳидли, вазни 0,29 граммни ташкил қилган гашиш моддаси ёпиштирилганлиги аниқланган. Гиёҳванд моддаси ашёвий далил тариқасида олинган.
Мазкур ҳолат юзасидан Фарғона шаҳар ИИО ФМБ ҳузуридаги Тергов бўлими томонидан Э.Х.га нисбатан Жиноят кодексининг 276-моддаси 2-қисми «б» банди (Қонунга хилоф равишда гиёҳвандлик воситасини сақлаш) билан жиноят иши қўзғатилган. Шу куннинг ўзида Э.Х. айбланувчи тариқасида жалб қилиниб, унга нисбатан қамоққа олиш тарзидаги эҳтиёт чораси қўлланилган.
Мавзуга доир:
Мазкур ҳолат юзасидан 2020 йил 17 июнда Фарғона шаҳар ИИО ФМБ ҳузуридаги Тергов бўлими томонидан Ўзбекистон Республикаси Жиноят кодексининг 169-моддаси 4-қисми «а» (Ўғрилик) банди билан жиноят иши қўзғатилиб, терговга киришилган.
ИИБ ходимлари томонидан олиб борилган тезкор-қидирув ҳаракатлари давомида мазкур жиноятни Э.Х. содир этганлиги аниқланиб, ундан холислар иштирокида жами 200 минг сўм миқдоридаги пуллар ашёвий далил тариқасида олинган ҳамда тўпланган ҳужжатлар шаҳар ИИО ФМБ ҳузуридаги Тергов бўлимига юборилган.
Мазкур ўғрилик ҳолати юзасидан Э.Х. гумон қилинувчи тариқасида ишда иштирок этишга жалб қилиниб, сўроқ қилинган.
Ҳозирда дастлабки тергов ҳаракатлари давом этмоқда.
Аввалроқ Самарқандда 6 минг доллар эвазига ўқишга киритиб қўйишни ваъда қилган шахслар қўлга олингани хабар қилинган эди.
Изоҳ (0)