Енгил вазн тоифасида UFC чемпиони Ҳабиб Нурмагомедов отасининг ўлими сабаб онлайн конференцияни бекор қилди.
Яккакурашчи иштирокида 4 июль куни Халқаро мелтимедия матбуот марказида видеоконференция ўтказиш режалаштирилганди.
Аввалроқ Чеченистон раҳбари Рамзан Қодиров Абдулманап Нурмагомедов вафот этганини маълум қилганди. Мутахассис май ойининг бошларида Москвадаги шифохонага жойлаштирилганди. Унда коронавирус борлиги аниқланган, шунингдек, Нурмагомедовларнинг каттасида юрак билан муаммолар кузатилган.
Аввалроқ Ҳабиб отасининг аҳволи ҳақида хабар берган ва унда коронавирус ортда қолган, бироқ вазият жиддий эканини таъкидлаганди.
Таъкидланишича, Абдулманап Нурмагомедов икки бор инсултни бошдан кечирган ва кома ҳолатидан чиқа олмаган.
Изоҳ (0)