Toshkentdagi uchta tibbiyot muassasasida 55 nafar bemor koronavirusdan tuzalib, 1-iyul kuni o‘z uyiga kuzatildi, deb xabar bermoqda SSV matbuot xizmati.
Epidemiologiya, mikrobiologiya va yuqumli kasalliklar ilmiy-tekshirish instituti klinikasida 1 nafar, Toshkent tibbiyot akademiyasining ko‘p tarmoqli klinikasida 1 nafar, shahar 1-son klinik shifoxonasida 53 nafar, jami 55 nafar koronavirus infeksiyasiga chalingan bemor sog‘aygan.
Shunday qilib, ayni paytgacha Toshkent shahri va viloyatida koronavirus infeksiyasidan jami 3424 nafar bemor sog‘aydi.
Hozirda O‘zbekiston bo‘ylab sog‘ayganlar soni 5737 nafarni tashkil etmoqda.
Eslatib o‘tamiz, mamlakatda 1-iyul soat 10:00 holatiga ko‘ra, koronavirus infeksiyasi qayd etilganlar soni 124 kishiga ko‘payib, kasallanganlarning umumiy soni 8627 nafarga yetdi. Infeksiya asoratlari oqibatida 25 nafar bemor vafot etgan.
Izoh (0)