Тошкент шаҳар Учтепа туманида жойлашган собиқ завод ҳудуди ҳамда мазкур бинодаги текстиль ишлаб чиқариш ускуналари аукционда бошланғич нархдан 17 баробар қимматга сотилди. Бу ҳақда Давлат активларини бошқариш агентлиги хабар берди.
Маълум қилинишича, Тошкент шаҳри Учтепа туманида жойлашган, бошланғич нархи 750 миллион сўм бўлган собиқ завод ҳудуди ҳамда мазкур бинодаги текстиль ишлаб чиқариш ускуналари Мажбурий ижро бюроси томонидан сотувга қўйилган. Мазкур объектлар учун савдолар якунланиб, аукцион ғолиби аниқланди.
Агентлик томонидан қайд этилишича, 15 нафар иштирокчи ўртасида ўтган онлайн аукционда мулк нархи 796 қадамга оширилиб, 12,7 миллиард сўмга сотилди.
Аввалроқ Тошкент вилоятида бошланғич нархи 127 миллион сўм бўлган 0,8 гектар ер қарийб 1 миллиард сўмга сотилганди.
Изоҳ (0)