Самарқанд вилояти Самарқанд туманида 22 ёшли йигит ўзидан 30 ёш катта маҳалладоши билан келиб чиққан жанжал сабабли уни уриб, ўлимига сабаб бўлди. Бу ҳақда Ички ишлар вазирлиги ҳузуридаги Тергов департаменти хабар берди.
Маълум қилинишича, 2020 йил 11 июнь кунидан 12 июнь кунига ўтар кечаси соат 01:30 да Самарқанд тумани «Янгиариқ» МФЙ ҳудудида 52 ёшли Т.Б. ва 22 ёшли М.С. ўртасида келиб чиққан ўзаро келишмовчилик натижасида М.С. фуқаро Т.Б.нинг юз соҳасига қўллари билан уриб, тан жароҳати етказган. Натижада Т.Б. Самарқанд тумани тиббиёт бирлашмаси жонлантириш бўлимига ётқизилган.
Ҳолат юзасидан Самарқанд тумани ИИБ ҳузуридаги Тергов бўлими томонидан фуқаро М.С.га нисбатан Ўзбекистон Республикаси Жиноят кодексининг 104-моддаси 1-қисми (Қасддан баданга оғир шикаст етказиш) билан жиноят иши қўзғатилган.
Жиноят иши бўйича М.С. Жиноят кодексининг 104-моддаси 2-қисми «э» банди билан айбланувчи тариқасида ишда иштирок этишга жалб қилинган ва унга нисбатан қамоққа олиш тарзидаги эҳтиёт чораси қўлланилган.
Фуқаро Т.Б. шифокорлар томонидан кўрсатилган тиббий муолажаларга қарамасдан, 2020 йил 22 июнь куни шифохонада вафот этган. Жиноят иши эса Жиноят кодексининг 104-моддаси 3-қисми «д» бандига қайта малакаланган. Ҳозирда дастлабки тергов ҳаракатлари давом эттирилмоқда.
Мавзуга доир:
- Қашқадарёда сотувчи телефон сотиб олган харидорни 50 минг сўм қарз учун уриб, унинг ўлимига сабаб бўлди
- Қибрайда оғзаки келишмовчиликдан бошланган муштлашув 27 ёшли йигитнинг ўлими билан якун топди
- Тошкент вилоятида 36 ёшли фуқаро қўшнисини тўмтоқ жисм билан уриб ўлдириб қўйди
- Нарпайда Damas ҳайдовчиси пиёдани туртиб кетди. Пиёда муштлаши оқибатида ҳайдовчи вафот этди
Изоҳ (0)