Ички ишлар вазирининг шахсий таркиб бўйича буйруғи эълон қилинди. Унга кўра, ИИВ Академияси бошлиғининг ўринбосари — кадрлар бошқармаси бошлиғи ҳамда Фарғона вилояти ИИБ бошлиғининг ўринбосари — кадрлар бошқармаси бошлиғи тайинланган. Бу ҳақда Ички ишлар вазирлиги ахборот хизмати хабар қилди.
Полковник Алишер Абдуллаев ИИВ Академияси бошлиғининг ўринбосари — кадрлар бошқармаси бошлиғи лавозимига тайинланди. У тайинловга қадар ИИВ Академияси бошлиғининг молия ва моддий-техника таъминоти бўйича ўринбосари лавозимида фаолият юритган.
Подполковник Файзулла Ортиқбоев Фарғона вилояти ИИБ бошлиғининг ўринбосари — кадрлар бошқармаси бошлиғи этиб тайинланди. Ортиқбоев ушбу лавозимни эгаллашидан аввал ИИВ Кадрлар бош бошқармаси касбий тайёргарликни ташкиллаштириш бошқармаси махсус тайёргарлик ва малака оширишни мувофиқлаштириш бўлими бошлиғи сифатида ишлаган.
Изоҳ (0)