Ўзбекистонда 2020 йилнинг беш ойида жиноятлар сони 41 фоизга кўпайди. Ҳудудлар кесимида жиноятларнинг ошиши Тошкент шаҳри, Фарғона, Самарқанд, Андижон ва Тошкент вилоятларига тўғри келмоқда. Бу ҳақда Бош прокуратура маълумотларига таяниб, «Юксалиш» умуммиллий ҳаракати хабар берди.
Маълумотларга кўра, 2020 йилнинг дастлабки 5 ойида 17 271 та жиноят қайд этилган, бу ўтган йилнинг шу даврига нисбатан 5100 тага (41,9 фоизга) кўп демак.
Таъкидланишича, безорилик ҳолатлари сони 2,5 баробарга (2019 йилда 153 та, 2020 йилда 385 та), фирибгарлик (2019 йилда 1324 та, 2020 йилда 2712 та), порахўрлик билан боғлиқ жиноятлар 2 баробарга ошган. Босқинчилик ва ўғрилик жиноятлари ҳам кўпайган.
Ҳудудлар кесимида жиноятларнинг ошиши Тошкент шаҳри, Фарғона, Самарқанд, Андижон ва Тошкент вилоятларига тўғри келмоқда.
Масалан, жорий йилнинг ўтган 5 ойида Фарғона вилоятида 2575 та жиноят қайд этилган. Бу эса ўтган йилнинг шу даврига нисбатан 2 баробар кўп демакдир. Ушбу ҳудудда ҳисобот даврида ўғрилик ва талончилик 2,5 баробарга ошган.
Аввалроқ Тошкент шаҳри оғир ва ўта оғир жиноят қайд этилиши бўйича республикада 1-ўринни эгаллагани тўғрисида хабар берилганди.
Изоҳ (0)