Ҳиндистон ҳукумати TikTok ва яна Хитойнинг 58 та мобил иловасини блоклаб қўйди

Ҳиндистон Ахборот технологиялари вазирлиги Хитойга тегишли 59 та мобил иловани блоклаш тўғрисидаги қарорни чиқарди. Бу ҳақда Давлат матбуот ва ахборот бюроси маълум қилди.

Блокка учрайдиган дастурлар рўйхатининг бошидан TikTok видеосервиси ўрин олган. Бундан ташқари, Ҳиндистонда Хитойнинг WeChat ижтимоий тармоғидан, UC браузеридан, Weibo микроблоглар сервиси ва бошқа кўплаб дастурлардан фойдаланиб бўлмайди. Шунингдек, Clash of Kings ўйини ҳам блокланади.

Вазирлик фикрича, ушбу мобил иловалар Ҳиндистон суверенитети ва яхлитлигига путур етказади, шунингдек, давлат хавфсизлиги ва жамоатчилик тартибига хавф туғдиради.

Government bans 59 mobile apps 📲 including #TikTok, likee, UC Browser, etc.

This decision is a targeted move to ensure safety and sovereignty of Indian cyberspace & to safeguard interests of crores of Indian mobile/internet users

🔽Here's the list🔽https://t.co/aKgmnAglOs pic.twitter.com/ooTUWj6R5E

— PIB India (@PIB_India) June 29, 2020

Баёнотда айтилишича, Ҳиндистон ИИВ Кибержиноятчиликка қарши кураш бўйича мувофиқлаштирувчи марказига кўплаб фуқаролардан айрим мобил иловаларнинг хавфсизлиги ва фойдаланувчиларнинг шахсий маълумотларини сақлаш борасида мурожаатлар келиб тушган. Ҳиндистон ҳукуматининг таъкидлашича, бир қатор дастурларнинг блокланиши ҳинд иловалари ва мамлакатдаги тармоқ фойдаланувчилари фойдасига хизмат қилади.

Эслатиб ўтамиз, 17 июнь куни Хитой ва Ҳиндистон ўртасидаги чегаранинг мунозарали ҳудудида содир бўлган тўқнашув оқибатида 20 нафар ҳинд аскари ҳалок бўлган эди. Икки мамлакат ҳукумати бу тўқнашувда бир-бирини айбламоқда, бироқ Пекин ҳам, Деҳли ҳам низонинг авж олиб кетишини истамаслигини билдирмоқда