Hindiston Axborot texnologiyalari vazirligi Xitoyga tegishli 59 ta mobil ilovani bloklash to‘g‘risidagi qarorni chiqardi. Bu haqda Davlat matbuot va axborot byurosi ma’lum qildi.
Blokka uchraydigan dasturlar ro‘yxatining boshidan TikTok videoservisi o‘rin olgan. Bundan tashqari, Hindistonda Xitoyning WeChat ijtimoiy tarmog‘idan, UC brauzeridan, Weibo mikrobloglar servisi va boshqa ko‘plab dasturlardan foydalanib bo‘lmaydi. Shuningdek, Clash of Kings o‘yini ham bloklanadi.
Vazirlik fikricha, ushbu mobil ilovalar Hindiston suvereniteti va yaxlitligiga putur yetkazadi, shuningdek, davlat xavfsizligi va jamoatchilik tartibiga xavf tug‘diradi.
Government bans 59 mobile apps 📲 including #TikTok, likee, UC Browser, etc.
— PIB India (@PIB_India) June 29, 2020
This decision is a targeted move to ensure safety and sovereignty of Indian cyberspace & to safeguard interests of crores of Indian mobile/internet users
🔽Here's the list🔽https://t.co/aKgmnAglOs pic.twitter.com/ooTUWj6R5E
Bayonotda aytilishicha, Hindiston IIV Kiberjinoyatchilikka qarshi kurash bo‘yicha muvofiqlashtiruvchi markaziga ko‘plab fuqarolardan ayrim mobil ilovalarning xavfsizligi va foydalanuvchilarning shaxsiy ma’lumotlarini saqlash borasida murojaatlar kelib tushgan. Hindiston hukumatining ta’kidlashicha, bir qator dasturlarning bloklanishi hind ilovalari va mamlakatdagi tarmoq foydalanuvchilari foydasiga xizmat qiladi.
Eslatib o‘tamiz, 17-iyun kuni Xitoy va Hindiston o‘rtasidagi chegaraning munozarali hududida sodir bo‘lgan to‘qnashuv oqibatida 20 nafar hind askari halok bo‘lgan edi. Ikki mamlakat hukumati bu to‘qnashuvda bir-birini ayblamoqda, biroq Pekin ham, Dehli ham nizoning avj olib ketishini istamasligini bildirmoqda
Izoh (0)