29-iyun kuni tongda avtomat va granatomyotlar bilan qurollangan bir guruh terrorchilar Pokistonning Karachi shahridagi fond birjasi binosiga hujum uyushtirdi, deb xabar beradi Geo News.
Ma’lumotlarga ko‘ra, jinoyatchilar birja binosining asosiy kirish eshigiga avtomobilda kelgan va tartibsiz ravishda o‘q uza boshlagan, so‘ng binoga hujum uyushtirgan.
Hujum oqibatida kamida ikki kishi halok bo‘lgan va yana uch kishi jarohat olgan. Binoda vahima yuzaga kelgan. Birja personali orqa eshik orqali evakuatsiya qilingan.
Hujumni uyushtirgan to‘rt nafar terrorchining barchasi voqea joyiga yetib kelgan politsiya va harbiylar tomonidan o‘ldirilgan. Ayni vaqtda hodisa joyi huquq-tartibot organlari tomonidan qurshab olingan.
Izoh (0)