Болливуд афсонаси Амитабҳ Баччаннинг рафиқаси Жая Баччан ҳақида фактлар

Болливуднинг юлдузли оиласи вакиласи, ҳинд кино саноатининг энг машҳур актёри Амитабҳ Баччаннинг умр йўлдоши ҳақидаги маълумотларни тақдим қиламиз.

1. Жая Бхадури 1948 йил 9 апрель санасида Ҳиндистоннинг Мадҳя-Прадеш штати, Жабалпур шаҳрида дунёга келган.

2. Пунадаги Кино ва телевидение институтини олтин медалга тамомлаган Жая 15 ёшида «Катта шаҳар» фильмида дебют роль ижро қилган.

3. 1971 йилда суратга олинган «Гудди» фильмидаги роли учун Filmfare Awards’да энг яхши актриса деб топилган.

4. 1972 йилда Санжив Кумар билан бирга роль ижроси унинг карьерасида муваффақият бошланишига сабабчи бўлган.

5. Актриса Хришикеш Мукержи, Гулзар, Рамеш Сиппи, Пракаш Меҳра ва бошқа бир қанча режиссёрлар билан ҳамкорликда ишлашга муваффақ бўлган.

6. «Гудди» фильмида Амитабҳ Баччан эпизод роль ижро қилган бўлса-да, кейинчалик «Банси ва Биржу» фильмида жуфтлик тўлиқ биргаликда суратга тушган. Шундан кейин «Интиқом ва қонун» (1975), «Втихаря» (1975) ва яна бир қанча фильмларда жуфтликни гавдалантирган машҳурлар ўртасида севги алангаси учқунлари пайдо бўла бошлайди.

7. Жуфтлик 1973 йил 3 июнда турмуш қурган ва икки нафар фарзадли бўлган. Қизи Швета Баччан бизнесменга турмушга чиққан, ўғли Абхишек бўлса, Айшвария Райга уйланган.

8. Фарзандлари тарбиясига ўзини бағишлашга қарор қилган актриса орадан 17 йил ўтиб «Она ер» фильмида суратга тушган.

9. У ўзини​ 90 йилларда продюссер сифатида ҳам синаб кўрган.

10. 1992 йилда Жая Баччан Падма Шри давлат мукофотига лойиқ деб топилган.

11. Актриса арсеналида 2000 йилларнинг энг таниқли «Гоҳи шодлик, гоҳи ғам» ва «Ўткинчи дунё» фильмлари ҳам бор.

12. Бугунги кунда Жая Баччаннинг уч нафар невараси (Шветанинг бир қиз, бир ўғли, Абхишекнинг эса бир қизи) бор​.