Жулия Робертс бўлишни орзу қилган Эмма Уотсон, Жонни Деппни қучиш орзусидаги Pink. Голливуд юлдузларининг кумирлари

Машҳурлар ҳам кимгадир мухлис бўлиши ва илҳомланиши табиий ҳол.

Эштон Кутчер ва Женнифер Энистон

«Дўстлар» сериали эфирга узатилганидан кейин Эштон, Женнифер гавдалантирган Рейчел Грин образининг мухлисига айланган. Шундан кейин актёр Энистон суратлари ва у акс этган журналларни йиғган. Машҳурликка эришганидан кейин бўлса, актрисани учрашувга таклиф қилган. Бироқ Женнифер учрашишга розилик бермаган.

Ариана Гранде ва Жим Керри

Хонанда Ариана, бир умр севимли комик актёри Жим билан учрашишни орзу қилган ва ушбу орзу амалга ошган. Таъкидланишича қўшиқчининг, ижтимоий тармоқдаги илк ники ҳам JimSarrayfan42 бўлган.

Эмма Уотсон ва Жулия Робертс

Эмма болалигида шунчаки актриса бўлишни эмас, Жулия Робертс бўлишни орзу қилган. Уотсон Жулиянинг самимий табассумини ёқтирган, ҳатто журнал муқовасидан бирига Робертсники сингари кўйлакда либосда суратга тушган.

Кара Делевинь ва Анжелина Жоли

Анжелина Жоли, модель Кара Делевинь учун ҳамиша кучли аёл ва актриса бўлган. Делевиннинг таъкидлашича, актрисалик фаолиятини бошлашида айнан Жолидан илҳомланган.

Pink ва Жонни Депп

Хонанда Pink, Жонни Депп унинг кумири эканини ҳатто турмуш ўртоғидан ҳам яширймайди. Эри буни тўғри қабул қилади, буни Жонни ва рафиқасини таништиришга уринганидан ҳам билса бўлади. Pink’нинг орзуси, Жимми Киммелнинг шоусида амалга ошган ва у севимли актёрини бағрига босишга муяссар бўлган.

Селена Гомес ва Натали Портман

Селена ҳар жабҳада Наталидан ўрнак олишини ва уни мода тимсоли деб ҳисоблашини тан олади. Хонанданинг кийиниш услуби ва соч турмагига назар ташланса, дарҳақиқат Портмандан илҳомланишини пайқаш мумкин.

Кристен Стюарт ва Харрисон Форд

Актриса Харрисоннинг ашаддий мухлисларидан. Харрисон гавдалантирган роллар Кристеннинг энг севимли қаҳрамони ҳисобланади. У энг зўр деб ҳисоблаган актёрлар топида актёр етакчилик қилади.