Тошкент шаҳри Шайхонтоҳур туманидаги Алишер Навоий кўчасида жойлашган уйга ўғриликка тушиб, хонадондан тилла тақинчоқлар ва пулларни олиб чиқиб кетган шахслар қўлга олинди. Бу ҳақда ИИВ ҳузуридаги Тергов департаменти хабар қилган.
Департамент хабарида айтилишича, 2020 йил 5 июнь куни соат 17:00 ларда аввал ўғрилик қилгани учун судланган 41 ёшли О.Х. ва унинг таниши Т.К. Навоий кўчасидаги 61 ёшли аёл хонадонига калит танлаш йўли билан кирган. Шериклар хонадон ётоқхонасидаги шкафдан 60 миллион сўмлик турли тилла тақинчоқлар, 150 АҚШ доллари ва 150 минг сўм пулни талон-торож қилиб, ҳодиса жойидан яширинган.
Ҳолат юзасидан Шайхонтоҳур тумани ИИО ФМБ ҳузуридаги Тергов бўлими томонидан Жиноят кодексининг 169-моддаси 2-қисми «б, г» бандлари билан жиноят иши қўзғатилган.
Дастлабки терговда О.Х.га нисбатан Жиноят кодексининг 169-моддаси 3-қисми «а» банди (Хавфли рецидивист томонидан содир этилган ўғрилик) эълон қилиниб, унга нисбатан қамоққа олиш тарзидаги эҳтиёт чораси қўлланилган. Жиноятга шерик бўлган Т.К. эса 169-модда 2-қисми «б, г, в» бандлари (анча миқдорда, бир гуруҳ шахслар томонидан тил бириктириб, уй-жойга ғайриқонуний равишда кириб содир этилган ўғрилик) билан айб эълон қилинган ва у уй қамоғига солинган.
Мавзуга доир:
- Фарғонада кечаси Nexia’ни тўхтатиб, 36,7 млн сўм пул ва телефонни талончилик йўли билан олган жиноий гуруҳ фош қилинди
- «Абу Сахий» очилиши арафасида бозордаги дўкондан салкам 30 млн сўмлик телефонлар ўғирлаб кетилди
- Жиззахда ўзи энагалик қилган уйдан пул ўғирлаган қизга жиноий иш очилди
- Андижонда ўзганинг машинасидаги қимматбаҳо буюмларни ўғирламоқчи бўлган шахс қўлга олинди
- Бухорода ўз акасининг уйидан 1000 доллар пул ва қимматбаҳо соат ўғирлаган ука қўлга олинди
Изоҳ (0)