Toshkent shahri Shayxontohur tumanidagi Alisher Navoiy ko‘chasida joylashgan uyga o‘g‘rilikka tushib, xonadondan tilla taqinchoqlar va pullarni olib chiqib ketgan shaxslar qo‘lga olindi. Bu haqda IIV huzuridagi Tergov departamenti xabar qilgan.
Departament xabarida aytilishicha, 2020-yil 5-iyun kuni soat 17:00 larda avval o‘g‘rilik qilgani uchun sudlangan 41 yoshli O.X. va uning tanishi T.K. Navoiy ko‘chasidagi 61 yoshli ayol xonadoniga kalit tanlash yo‘li bilan kirgan. Sheriklar xonadon yotoqxonasidagi shkafdan 60 million so‘mlik turli tilla taqinchoqlar, 150 AQSh dollari va 150 ming so‘m pulni talon-toroj qilib, hodisa joyidan yashiringan.
Holat yuzasidan Shayxontohur tumani IIO FMB huzuridagi Tergov bo‘limi tomonidan Jinoyat kodeksining 169-moddasi 2-qismi “b, g” bandlari bilan jinoyat ishi qo‘zg‘atilgan.
Dastlabki tergovda O.X.ga nisbatan Jinoyat kodeksining 169-moddasi 3-qismi “a” bandi (Xavfli retsidivist tomonidan sodir etilgan o‘g‘rilik) e’lon qilinib, unga nisbatan qamoqqa olish tarzidagi ehtiyot chorasi qo‘llanilgan. Jinoyatga sherik bo‘lgan T.K. esa 169-modda 2-qismi “b, g, v” bandlari (ancha miqdorda, bir guruh shaxslar tomonidan til biriktirib, uy-joyga g‘ayriqonuniy ravishda kirib sodir etilgan o‘g‘rilik) bilan ayb e’lon qilingan va u uy qamog‘iga solingan.
Mavzuga doir:
- Farg‘onada kechasi Nexia’ni to‘xtatib, 36,7 mln so‘m pul va telefonni talonchilik yo‘li bilan olgan jinoiy guruh fosh qilindi
- “Abu Saxiy” ochilishi arafasida bozordagi do‘kondan salkam 30 mln so‘mlik telefonlar o‘g‘irlab ketildi
- Jizzaxda o‘zi enagalik qilgan uydan pul o‘g‘irlagan qizga jinoiy ish ochildi
- Andijonda o‘zganing mashinasidagi qimmatbaho buyumlarni o‘g‘irlamoqchi bo‘lgan shaxs qo‘lga olindi
- Buxoroda o‘z akasining uyidan 1000 dollar pul va qimmatbaho soat o‘g‘irlagan uka qo‘lga olindi
Izoh (0)