Эван Бласс исмли таниқли инсайдер Samsung’нинг ҳамёнбоп янги смартфони суратлари билан бўлишди. Galaxy А01 Core номини олган смартфон пластик корпусга эга бўлиб, тўқ кўк ва қизил рангда ишлаб чиқарилади.
Смартфонга замонавий ўлчовлар бўйича унчалик катта бўлмаган дисплей — HD+ сифатни қўллаб-қувватловчи 5,14 дююмли экран ўрнатилган. Қурилмада бармоқ изи сканери йўқ, бу эса смартфон нархининг арзонлашишига олиб келган. Шунингдек, тежамкорлик мақсадида смартфонга битта камера ўрнатилган.
Galaxy А01 Core МТ6739WW процессори ва 1 гигабайт тезкор хотира ёрдамида ишлайди. MicroCD учун алоҳида слот мавжуд эмас. Шунга қарамай, смартфонга замонавий Android 10 операцион тизими ўрнатилган.
Ҳозирча қурилмага ўрнатиладиган аккумулятор сиғими ҳақида ҳам маълумот йўқ.
Изоҳ (0)