АҚШда расмий маълумотларда айтилаётган кўрсаткичдан 10 баравар кўп, яъни, тахминан, 25 миллион аҳоли COVID-19 коронавирусини юқтириб олган бўлиши мумкин. Бу ҳақда АҚШ касалликлар назорати ва профилактикаси марказлари директори Роберт Редфилд маълум қилди.
«Вирус касалликнинг белгисиз турининг тарқалишига сабабчи бўлмоқда. Биз касаллик тарқалишининг, тахминан, 10 фоизини ортда қолдирдик», — дея унинг сўзларини келтиради The Hill нашри.
Аввал АҚШдаги тестларда 2,4 миллион америкаликда коронавирус борлиги аниқлангани маълум қилинганди, бироқ Редфилд бошқа тестларда, донорлар топширган қонда коронавирус билан касалланишнинг 328 миллионлик аҳолида 5-8 фоизга тенглигини қайд этган.
Редфилд АҚШда юз миллионлаб одамлар ҳали ҳам COVID-19 юқтириб олиш хавфи остида эканини таъкидлаган.
«Касалликнинг тарқалиши тугагани йўқ. Пандемия якунига етмади. Ихтиёримиздаги энг кучли қурол — масофани сақлаш. Барчамиз кекса ёшлилар учун социал мослашув стратегиясини ишлаб чиқишга масъулмиз», — деган у.
Шунингдек, Редфилд АҚШда ҳали ҳам турли шакллардаги коронавирус тарқалишининг биринчи тўлқини давом этаётганини айтд этган.
Worldometer порталидаги статистик маълумотларга кўра, АҚШда 2,4 миллионта COVID-19 юқитириб олиш ҳолати кузатилган, 124 минг нафардан кўпроқ бемор касаллик асоратлари оқибатида вафот этган, 1 миллион нафардан кўпроқ киши инфекциядан тузалган.
Аввалроқ CNBC телеканали АҚШда коронавирус билан касалланиш ҳолати бўйича рекорд қайд этилганини хабар қилган. Охирги бир сутка ичида 45,5 мингта янги касалланиш ҳолатлари аниқланган.
Хусусан, Калифорнияда охирги икки кун ичида коронавирусга чалиниш 69 фоизга ўсган. Бир сутка давомида 7,1 мингта янги касалланиш ҳолати кузатилган.
Мавзуга доир: Трамп коронавирусни «Кунг-флю» деб аташни таклиф қилди
Колумбия, Коннектикут, Иллинойс, Индиана, Мэриленд, Массачусетс, Нью-Жерси, Нью-Гемпшир ва Род-Айлендда беморларни касалхоналарга ётқизишлар сони камаймоқда. Нью-Йорк штати губернатори Эндрю Куомо ҳудуддаги касалхоналарда март ойидан бери илк бор коронавирусга чалинган беморлар сони камайганини билдирган.
Изоҳ (0)