Футбол бўйича Cоcа Cоlа Суперлигаси 6-туридан ўрин олган икки учрашув 26 июнь, жума куни ўтказилди.
Унда Қаршининг «Насаф» клуби «Бухоро»ни қабул қилган бўлса, «Сўғдиёна» ўз майдонида «Андижон»га қарши саф тортди.
Қаршида кечган баҳсда томонлар дарвозаларга тўп кирита олмади ва ўйин 0:0 ҳисобида якунига етди.
Ушбу натижадан сўнг «Насаф» 12 очко билан 3-ўринга кўтарилган бўлса, «Бухоро» 2 очкоси билан сўнгги ўринда бормоқда.
Жиззахда кечган баҳсда эса мезбонлар учрашувнинг 63-дақиқасига келиб, Шоҳруз Норхоновнинг голи эвазига ҳисобда олдинга чиқиб олди. Ҳакам томонидан қўшиб берилган дақиқаларда эса «Андижон» ҳисобни тенглаштирди. Фарҳод Бекмуродов тўпни узоқ масофадан дарвозага жойлаб қўйди. Шу тариқа «Сўғдиёна» сўнгги дақиқаларда гол ўтказиб юбориб, очко йўқотди.
Ушбу ўйиндан сўнг «Сўғдиёна» очколари сонини 8 тага етказиб «Навбаҳор»га етиб олган бўлса, «Андижон» 3 очко билан 12-поғонада бормоқда.
Cоcа Cоlа Суперлига
6-тур баҳслари
26 июнь, жума
«Насаф» — «Бухоро» 0:0
«Насаф»: Абдувоҳид Неъматов, Ҳусниддин Алиқулов, Ғолиб Ғайбуллаев, Дилшод Раҳматуллаев, Бобир Абдухолиқов, Шароф Муҳиддинов, Ислом Кенжабоев (Ҳусайн Норчаев, 70), Шерзод Насруллаев (Жўрабек Маннонов, 72), Ойбек Бозоров, Марко Станоевич, Умарбек Эшмуродов.«Бухоро»: Зафар Сафоев, Миржалол Жумаев, Бобуржон Аманов, Жасур Ҳакимов, Жасур Ҳасанов, Беҳруз Шодмонов (Суҳроб Неъматов, 74), Аброр Ҳусинов, Эргаш Исмоилов, Азизбек Омонов, Бобур Фарҳодов, Иззат Абдуллаев.
Огоҳлантиришлар: Муҳиддинов (24), Ҳасанов (33), Фарҳодов (38), Ҳусинов (62), Сафоев (85),
«Сўғдиёна» — «Андижон» 1:1
Голлар: 1:0 – 63 Норхонов 1:1 – 90+1 Бекмуродов.«Сўғдиёна»: Милан Митрович, Сардор Қулматов, Искандар Шойқулов, Элёр Орифов (Шавкат Муллажонов, 73), Санжар Рашидов (Жамшид Болтабоев, 58), Шоҳруз Норхонов, Жасур Ҳасанов, Санъат Шихов, Иван Нагаев (Баҳодир Насимов, 58), Эливелто Рибейро (Жавоҳир Қаҳрамонов, 58), Марко Колакович.
«Андижон»: Исломбек Абдуллаев, Фарҳод Мираҳматов, Жамшид Ҳасанов, Фарҳодбек Бекмуродов, Эммануэль Аривчукву, Мишел Ибе, Абдулло Олимов (Дониёр Абдуманнонов, 74), Усмонали Исмоналиев, Тимур Усмонов (Сирож Мелиев, 61), Жаҳонгир Абдумўминов (Артём Литвяков, 74), Дмитро Зозуля.
Огоҳлантиришлар: Усмонов (11), Қулматов (11), Шойқулов (24), Шихов (71).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)