Футбол бўйича Беларусь чемпионатининг 15-турида «Энергетик-БГУ» 26 июнь, жума куни «Славия»ни қабул қилди.
Учрашувнинг 4-дақиқасида Жасур Яхшибоев ҳимоячининг хатосидан унумли фойдаланиб, ҳисобни очди. Биринчи бўлим ўрталарида минскликлар бир киши кам бўлиб қолди: Бакич қизил карточка олиб майдонни тарк этди. Бироқ бу майдон эгаларига тўсқинлик қила олмади.
Иккинчи бўлим дебютида Яхшибоевнинг узатмасидан сўнг Давид Тве иккинчи голни урган бўлса, 58-дақиқада Жасур дублини нишонлаб, ҳисобни йирик кўринишга олиб келди. 70-дақиқада Василий Совпел «талабалар»нинг яна бир голига муаллифлик қилди. Асосий вақтнинг сўнгги дақиқасида Яхшибоев ўз жарима майдони ёнида тўпни қабул қилиб олди ва тезкор қарши ҳужумга ўтди, унинг узатмасидан сўнг Совпел ҳам дублни расмийлаштирди.
Икки кун аввал 23 ёшни қаршилаган Яхшибоев мазкур баҳсда тўлиқ ҳаракат қилган бўлса, Шаҳбоз Умаров 51-дақиқада захирага олинди.
Ушбу ғалабадан сўнг «Энергетик-БГУ» очколарини 26 тага етказиб олган ҳолда, учинчи ўринга кўтарилди. «Славия» (18) 11-поғонада қолди.
Беларусь Олий Лигаси
15-тур баҳси
26 июнь, жума
«Энергетик-БГУ» — «Славия Мозир» 5:0
Голлар: 1:0 – 4 Яхшибоев, 2:0 – 47 Тве, 3:0 – 58 Яхшибоев, 4:0 – 70 Совпел, 5:0 – 90 Совпел.«Энергетик-БГУ»: Садовский, Свирепа, Мирошников, Юдчиц (Гирс, 56), Мавату, Яхшибоев, Умаров (Совпел, 51), Тве, Носко, Бакич, Шкурдюк.
«Славия Мозир»: Романюк, Шевченко (Ануфриев, 62), Тимонюк, Малкевич (Теттех, 56), Раевский, Недашковский, Костров, Пантя, Нарх (Слюсар, 37), Жук, Мелников.
Огоҳлантиришлар: Костров (24), Яхшибоев (39).
Четлатиш: Бакич (26).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)