Корея халқаро университети томонидан Фарғона, Андижон ва Наманган вилоятларида тўртта янги мактабгача таълим муассасаси очилади. Бу ҳақда университетнинг қабул ва ташкилий ишлар бўйича проректори Ю Сонг И маълум қилди, деб хабар берди «Дарё» мухбири.
Жанубий Корея услубида қуриладиган ушбу боғчалар Фарғона шаҳридаги Ўзбекистон-Корея халқаро университети ўқитувчи ва талабалари учун амалиёт ва тажриба маскани сифатида хизмат қилиши кўзда тутилган.
2019 йилда ташкил этилган халқаро университетда таълим тўлов-контракт асосида ўзбек, корейс, инглиз тилларида олиб борилади. Тез орада университет талабалари учун 3+1 дастури асосида Жанубий Кореяда ўқиш имконияти яратилади.
Тугаётган ўқув йилида 7 та факультетда 720 нафар талаба таълим олган бўлса, жорий йилдан 11 факультетга талабалар қабул қилинади. 2020 йил 10 миллион доллардан зиёд хорижий инвестиция жалб қилиниб, халқаро университет учун янги бино қурилди.
Эслатиб ўтамиз, Президент Шавкат Мирзиёев 5-6 июнь кунлари Фарғона вилоятига қилган ташрифи чоғида ушбу университетда бўлиб, университет ректори Пак Жун Ху ва кореялик ўқитувчилар билан суҳбатлашганди.
Изоҳ (0)