Рязанда Lamborghini Huracan Performante ҳайдовчиси йўлдаги тўсиққа бориб урилди, унинг ёнида кетаётган худди шу моделдаги суперкар авариядан қочишга улгуриб қолди, деб хабар беради Motor.
Йўл-транспорт ҳодисаси шаҳарнинг Москва шоссесида содир бўлган. Ёмғир сабаб Lamborghini Huracan Performante ҳайдовчиси бошқарувни йўқотиб қўйиб, йўлни ажратиб турувчи тўсиққа урилган. Авария оқибатида автомобилнинг олд бампери ва капотига шикаст етган. Яшил рангли суперкар ҳайдовчисига ҳеч нима қилмагани айтилмоқда.
Эътиборли жиҳати, ЙТҲ вақтида аварияга учраган Lamborghini ёнида яна битта худди шу рангдаги суперкар ҳам ҳаракатланаётган бўлган. Бироқ иккинчи автомобиль ҳайдовчиси ноқулай об-ҳаво шароитида ҳам бошқарувни эплаб, авария иштирокчисига айланмаган.
Lamborghini Huracan Performante конвейердан биринчи бор 2017 йилда чиққан. Тўлиқ узатмали суперкарга 640 от кучига эга 5,2 литрли V10 мотори ўрнатилган. Суперкар соатига 100 километр тезликка 2,9 сонияда эришади. Максимал тезлиги 325 км/соатга тенг.
Изоҳ (0)