Дунёдаги энг кучли суперкомпьютер номи маълум бўлди

Дунёдаги энг кучли ТОП500 суперкомпьютерлар рейтингининг 55-нашри тақдим этилди. Маълумотлар рейтингнинг расмий сайтида эълон қилинган.

Рейтингнинг юқори поғонаси биринчи бор Япониянинг Fugaku суперкомпьютерига насиб этган. У Fujitsu компанияси ва RIKEN тадқиқот институти томонидан яратилган. Таъкидланишича, япон қурилмаси сўнгги бор бундан тўққиз йил олдин рейтингда биринчи ўринни эгаллаган эди.

Суперкомпьютер Япония ғарбидаги Кобе шаҳрида жойлашган. Ҳисоблаш машинаси рақобатчиларини олтита асосий параметрнинг тўрттаси бўйича ортда қолдирган. Улар орасида ҳисоблаш тезкорлиги ҳам бор.

Fugaku сониясига 400 квадриллиондан ортиқ операцияни бажаради. Бу рейтингнинг аввалги нашрида биринчиликни эгаллаган Америка компьютеридан салкам уч баробарга тез демак.

Шунингдек, Fugaku саноат, сунъий интеллект учун амалий дастурлари ва «катта маълумотлар» таҳлилини ҳисоблашда ҳам энг яхши кўрсаткични қайд этган.