Либос ёшингизга визуал ёш қўшиши ёки аксинча, ёшроқ кўрсатиш хусусиятига эга. Бунинг учун гардеробингизда қуйидаги нарсалар бўлиши керак.
Бачканаликдан ҳоли оддий кийим-кечак
Ортиқча безаклардан ҳоли, жимжимадор бўлмаган кийим-кечакларни бир-бирига дид билан мослаш натижасида ёш кўриниш мумкин. Бунинг учун оқ футболка, оддий пиджак ва кроссовка ёки балетка кийиб, мини узунлигидаги плиссировкали юбка, образингизни янада тўлдирадиган аксессуар тақишнинг ўзи кифоя.
Оч рангдаги либослар
Баҳор-ёз мавсумида ёрқин ранглар билан образ яратишни исташингиз аниқ, лекин бу борада бироз шошқалоқлик қилмаганингиз маъқул. Ёш ўтгани сайин тўқ қизил, кўк, яшил ранглардан кўра, оч рангли либослар чиройли кўрсатади. Иложи борича оқ, оч пушти, мовий ва қаймоқ рангли кийим-кечакларни кийиш тавсия қилинади, бу ранглар сизнинг терингизни бўғиқ қилиб кўрсатмайди. Юбка, шимларни эса тўқ рангидан кийишингиз мумкин.
Ёпишиб турмайдиган либослар
Ёпишиб турадиган мато ёшингиз катта бўлгани сайин қоматингиздаги ўзгаришларга эътибор қаратади. Ташлаб турадиган, кенгроқ кийимлар эса нафақат ёзда балки қишда ҳам долзарб.
Ёрқин деталлар
Қишда аксессуарлар унчалик долзарб бўлмагани билан иссиқ кунларда оддий образни қизиқарли кўзойнак, заколка ёки сумка билан бойитиш сизни нафақат ёш, балки модага бефарқ эмаслигингизни билдиради.
Изоҳ (0)