Футбол бўйича Того чемпионатининг энг яхши ҳужумчиларидан бири Косси Кудагба 24 ёшида вафот этди, деб ёзмоқда Sport24.
Сўнгги икки мавсум «Кара» шарафини ҳимоя қилиб, Того чемпионатининг энг яхши ҳужумчиси номига сазовор бўлган Кудагба безгак касаллигидан вафот этган.
24 ёшли Косси коронавирус пандемияси сабаб вужудга келган танаффус вақтида Кара шаҳрини тарк этиб, қариндошларининг ёнида бўлиш учун ўзи туғилиб ўсган мамлакат шимолидаги Девега йўл олган. У ерда эса футболчи безгак касаллиги сабаб дунёдан кўз юмган.
Кудагба 2019 йил Того миллий жамоаси сафида дебют қилган ва ҳозирга қадар учта ўйинда майдонга тушганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)