Футбол бўйича Англия чемпионатининг 30-туридан ўрин олган сўнгги баҳсда «Манчестер Сити» 22 июнь, душанба куни «Бёрнли»ни қабул қилди.
Учрашувнинг 22-дақиқасида Фил Фоден «шаҳарликлар»ни олдинга олиб чиқди. Биринчи бўлим якунланиши арафасида Риёд Маҳрез дубль қайд этган ҳолда ҳисобни йирик кўринишга олиб келди.
Иккинчи бўлимда «Манчестер Сити» яна иккита гол уришга муваффақ бўлди. 51-дақиқада Давид Сильва ўз ҳисобига гол ёздириб қўйган бўлса, 63-дақиқада Фоден дублини нишонлади.
Шу тариқа Пеп Гвардиола шогирдлари очколарини 63 тага етказиб олди ва АПЛ жорий мавсуми тугашига 8 тур қолганда пешқадам «Ливерпуль»дан 20 очко ортда қолмоқда.
АПЛ
30-тур баҳси
«Манчестер Сити» — «Бёрнли» 5:0
Голлар: 1:0 – 22 Фоден, 2:0 – 43 Маҳрез, 3:0 – 45, пенальти Маҳрез, 4:0 – 51 Сильва, 5:0 – 63 Фоден.«Манчестер Сити»: Эдерсон, Жоау Канселу, Зинченко, Отаменди, Фернандиньо (Ляпорт, 61), Сильва, Фоден (Сане, 79), Бернарду Сильва, Родри Эрнандес, Маҳрез (де Брюйне, 61), Агуэро (Габриэль Жезус, 45+1).
«Бёрнли»: Поуп, Тэйлор, Тарковски, Лоутон, Ми, Вествуд, Корк, Браунҳилл, Макнил, Родригес (Питерс, 60), Видра (Томпсон, 88).
Огоҳлантиришлар: Браунҳилл (43), Жоау Канселу (62).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)