Мюнхеннинг «Бавария» клуби ҳимоячиси Люка Эрнандес фаолиятини ПСЖда давом эттирмоқчи. Бу ҳақида Footmerсato хабар берди.
Манбага кўра, футболчи немис клуби раҳбариятидан ўзини ПСЖга сотишни сўраган. Гап шундаки, футболчининг рафиқаси Германиядаги турмуш тарзига мослаша олмаяпти ва Францияга қайтишни хоҳламоқда.
Бироқ «Бавария» Эрнандесни кам миқдордаги пул эвазига қўйиб юбормоқчи эмас. Бир йил олдин Эрандес Мюнхен клуби тарихидаги энг қиммат трансфер бўлганди — 80 миллион евро. Шу боис «Бавария» катта эҳтимол билан уни арзон сотмайди.
Ушбу мавсумда 24 ёшли Эрнандес Бундеслиганинг 18 ўйинида майдонга тушиб, 1 та голга ассистентлик қилди ва учта сариқ карточка ишлаб олди. Унинг клуб билан шартномаси 2024 йилгача амал қилади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)