Россияда ўтган бир сутка ичида 7425 кишида коронавирус аниқланди. Бир кун аввал бу кўрсаткич 7600 кишини ташкил қилганди. Бу ҳақда Meduza хабар берди.
Россияда коронавирусга чалинган беморларнинг умумий сони 599 705 кишига етди.
Ўтган бир сутка ичида коронавирус инфекцияси оқибатида 153 киши вафот этган. Пандемия бошидан буён Россияда коронавирус оқибатида вафот этган беморлар сони 8359 кишига етди. Мамлакатда сўнгги бир сутка ичида 12 013 киши касалликдан тузалган, тузалганларнинг умумий сони 356 429 кишини ташкил қилмоқда.
Бир сутка ичида коронавирусни аниқлаш бўйича 233 мингта тест ўтказилган, пандемия бошидан буён ўтказилган тестлар сони 17,5 миллионга етган.
Аввалроқ бутун дунёда коронавирус инфекциясига чалинганлар сони 9 миллион нафардан ошгани ҳақида хабар берилганди.
Изоҳ (0)