АҚШ президенти Дональд Трамп ўзидан олдинги Америка етакчиси — Барак Обамани давлатга хиёнатда айблади. У бу каби баёнотни SBN News телеканалига берган интервьюсида маълум қилган.
«Бу давлатга хиёнат. Қаранг, улар бизнинг кампаниямиз ортидан жосуслик қилганини қачон эди айтганимга. Мана кўриб турибсизки, мен ҳақ бўлиб чиқдим», — дейди Трамп.
Трамп бир неча бор ўзининг сайловолди кампанияси кузатилаётгани, 2017 йилда эса телефони тингланаётганини маълум қилган. Шунингдек, у АҚШ конгрессини Барак Обама администрацияси ўз ваколатларини суиистеъмол қилган ёки қилмаганини текширишга чақирган.
2018 йилда Трамп АҚШ Адлия вазирлигига унинг штабига ФҚБ агенти жўнатилгани тўғрисидаги маълумотни текширишни топширмоқчи бўлган. Шунингдек, у махсус хизматлар ва вазирлик ходимларига Обама администрациясидан «илтимос ёки талаб» бўлганини билишни хоҳлаётганини маълум қилган.
Бунга қадар Дональд Трамп Обамани Қримнинг Россияга қўшилишида, Оқ уйдан тез-тез кетишга мажбур бўлаётганида ҳам айблаган эди.
Изоҳ (0)