Тошкент ахборот технологиялари университети талабалари 2020/2021-ўқув йили қабулида олий таълим муассасаларининг бакалавриат таълим йўналишлари учун тест синовларини ўтказиш режалаштирилган биноларнинг геожояшувини кўрсатиб берадиган ImtihonGo махсус мобил иловасини ишлаб чиқди, дея хабар берган Олий ва ўрта махсус таълим вазирлиги матбуот хизмати.
Илова муаллифлари ТАТУ магистри Ғ. Назаров ҳамда Радио ва мобил алоқа факультети талабаси Ҳ. Бахтиёров.
«Ҳар бир яратилган дастур ёки стартап инсонларнинг оғирини енгил қилиши, ортиқча вақт, харажатдан холи бўлишига ёрдам бериши керак. Биз ҳам ImtihonGo мобил иловаси орқали Ўзбекистондаги абитуриентларни яқин ойларда бўлиши кутилаётган тест синовларини топширишда ортиқча қийинчиликларсиз, керакли манзилга тез ва аниқ етиб боришига кўмак бермоқчимиз», – дейди лойиҳа муаллифи Ғ.Назаров.
ДТМ томонидан кўрсатилган манзилларда янгиланиш кузатилса, яъни геожойлашув жойи ўзгарса, иловани ҳам янгилаш, ўзгартиришларни юклаб фойдаланувчиларга етказиш режа қилинган.
Муаллифларнинг айтишича мобил илова фойдаланишга тайёр ва уни Google Play платформасидан юклаб олиш мумкин.
Мавзуга доир: Ўзбекистондаги ОТМларга ҳужжат топширишнинг илк кунида қанча абитуриент онлайн рўйхатдан ўтгани маълум қилинди
Изоҳ (0)