Бокс бўйича оғир вазн тоифасида собиқ Жаҳон чемпиони Майк Тайсон афсонавий боксчи Муҳаммад Али ҳақидаги фикрлари билан ўртоқлашди ва унга қарши рингга кўтарилганида жанг қандай кечиши ҳақида тасаввур қилиб кўрди.
«Бир нарсани билган бўлардим: мен 15 раундлик беллашувга тайёр бўлишим керак. Унга қарши 15 раунд жанг ўтказишга тайёр бўлардим, ахир уни ҳеч ким нокаутга учрата олмаган.
Юқори формадаги Алини ҳеч ким нокаут қила олмаган. Ҳатто ноқулай рақиблардан бири Ларри Ҳолмс ҳам. Ғалаба қозонмоқчи бўлсанг уни ўлдириш керак, акс ҳолда Али ҳеч қачон таслим бўлмасди.
Фаолиятининг чўққисида Али моделлардек ташқи кўринишга эга эди, бу ғалати эмасми? У боксчига ўхшамасди. Али ёқимли эмас эди. У — истарали юзга эга занжирбанд ит эди. У меҳрибон кўринарди, аммо аслида ундай эмасди. Али ичида худди мен каби жирканч одам эди. У йиртқич ҳайвон эди», — дейди Тайсон.
Тайсон профессионал боксда 56 та жанг ўтказиб, уларнинг 50 тасида ғалаба қозонган (44 нокаут) ва олти бор мағлубиятга учраган. Аввалроқ 53 ёшли спортчи бир нечта кўргазмали жангларда иштирок этиш учун рингга қайтишини эълон қилганди.
Али эса 61 жангда қатнашиб, 56 марта ғалаба қозонганган (37 нокаут) ва беш марта мағлуб бўлган. Муҳаммад 2016-йининг 3 июнида 74 ёшида вафот этган.
Изоҳ (0)