Boks bo‘yicha og‘ir vazn toifasida sobiq Jahon chempioni Mayk Tayson afsonaviy bokschi Muhammad Ali haqidagi fikrlari bilan o‘rtoqlashdi va unga qarshi ringga ko‘tarilganida jang qanday kechishi haqida tasavvur qilib ko‘rdi.
“Bir narsani bilgan bo‘lardim: men 15 raundlik bellashuvga tayyor bo‘lishim kerak. Unga qarshi 15 raund jang o‘tkazishga tayyor bo‘lardim, axir uni hech kim nokautga uchrata olmagan.
Yuqori formadagi Alini hech kim nokaut qila olmagan. Hatto noqulay raqiblardan biri Larri Holms ham. G‘alaba qozonmoqchi bo‘lsang uni o‘ldirish kerak, aks holda Ali hech qachon taslim bo‘lmasdi.
Faoliyatining cho‘qqisida Ali modellardek tashqi ko‘rinishga ega edi, bu g‘alati emasmi? U bokschiga o‘xshamasdi. Ali yoqimli emas edi. U — istarali yuzga ega zanjirband it edi. U mehribon ko‘rinardi, ammo aslida unday emasdi. Ali ichida xuddi men kabi jirkanch odam edi. U yirtqich hayvon edi”, — deydi Tayson.
Tayson professional boksda 56 ta jang o‘tkazib, ularning 50 tasida g‘alaba qozongan (44 nokaut) va olti bor mag‘lubiyatga uchragan. Avvalroq 53 yoshli sportchi bir nechta ko‘rgazmali janglarda ishtirok etish uchun ringga qaytishini e’lon qilgandi.
Ali esa 61 jangda qatnashib, 56 marta g‘alaba qozongangan (37 nokaut) va besh marta mag‘lub bo‘lgan. Muhammad 2016-yining 3-iyunida 74 yoshida vafot etgan.
Izoh (0)