Сеул ва унинг атрофидаги шаҳарларда коронавирус билан касалланишнинг иккинчи тўлқини қайд этилди. Бу ҳақда Жанубий Корея Касалликлар профилактикаси ва назорати маркази (KCDC) раҳбари Чон Ин Гёнга таяниб, «РИА Новости» хабар берди.
«Биз аввал бошидан иккинчи тўлқин куз ёки қишда бошланишини тахмин қилгандик. Бироқ прогнозларимиз нотўғри бўлиб чиқди. Фикримизча, одамлар бир-бири билан алоқада бўлар экан, инфекция тарқалишда давом этади», — дейди у.
Чон Ин Гённинг таъкидлашича, Сеулда иккинчи тўлқин май ойининг бошида бошланган.
Ўз навбатида Жанубий Корея пойтахти администрацияси агарда яқин уч кунда янги касалланиш ҳолатлари кунига ўртача 30 кишидан ошса ёки шифохоналар 70 фоиздан ортиқроққа тўлиб кетса, ижтимоий масофаланишнинг қаттиқ режими яна жорий этилиши мумкинлиги ҳақида огоҳлантирган.
Аввалроқ италиялик олим коронавируснинг иккинчи тўлқини кузда юз бериши мумкинлигини тахмин қилганди, ЖССТ вакили эса пандемиянинг иккинчи тўлқини бўлмаслигини таъминлаш мумкинлигини билдирганди.
Изоҳ (0)