Россияда 22 июнь куни ҳолатига кўра, коронавирусга чалиниш бўйича 7600 та янги ҳолат аниқланди, бу бир кун аввал аниқланган ҳолатлар сонидан 128 та кам. Бу ҳақда Meduza хабар берди.
Эпидемия бошидан буён Россияда 592 280 кишида коронавирус аниқланган.
Сўнгги бир суткада энг кўп касалланганлар Москва шаҳри (1068 киши), Москва вилояти (506 киши), Ханти-Мансиск автоном округи (295 киши), Нижегород вилояти (219 киши), Санкт-Петербург шаҳри (217 киши), Воронеж (199 киши), Свердлов (197 киши) ва Иркутск (194 киши) вилоятларида қайд этилган.
Мавзуга доир: ЖССТ дунёда коронавирус билан касалланиш бўйича суткалик рекорд янгиланганини маълум қилди
Россияда бир сутка ичида 4705 киши коронавирусдан тузалишга муваффақ бўлган. Мамлакат бўйича тузалганларнинг умумий сони 344 416 кишига етган.
Сўнгги бир суткада мамлакатда коронавирусни аниқлаш бўйича 291 мингта тест ўтказилган. Россияда ўтказилган тестларнинг умумий сони 17,2 миллиондан ошган.
Изоҳ (0)