AQSh prezidenti Donald Tramp o‘zidan oldingi Amerika yetakchisi — Barak Obamani davlatga xiyonatda aybladi. U bu kabi bayonotni CBN News telekanaliga bergan intervyusida ma’lum qilgan.
“Bu davlatga xiyonat. Qarang, ular bizning kampaniyamiz ortidan josuslik qilganini qachon edi aytganimga. Mana ko‘rib turibsizki, men haq bo‘lib chiqdim”, — deydi Tramp.
Tramp bir necha bor o‘zining saylovoldi kampaniyasi kuzatilayotgani, 2017-yilda esa telefoni tinglanayotganini ma’lum qilgan. Shuningdek, u AQSh kongressini Barak Obama administratsiyasi o‘z vakolatlarini suiiste’mol qilgan yoki qilmaganini tekshirishga chaqirgan.
2018-yilda Tramp AQSh Adliya vazirligiga uning shtabiga FQB agenti jo‘natilgani to‘g‘risidagi ma’lumotni tekshirishni topshirmoqchi bo‘lgan. Shuningdek, u maxsus xizmatlar va vazirlik xodimlariga Obama administratsiyasidan “iltimos yoki talab” bo‘lganini bilishni xohlayotganini ma’lum qilgan.
Bunga qadar Donald Tramp Obamani Qrimning Rossiyaga qo‘shilishida, Oq uydan tez-tez ketishga majbur bo‘layotganida ham ayblagan edi.
Izoh (0)