Англия жануби-шарқидаги Рединг шаҳрида содир бўлган мудҳиш воқеа оқибатида уч киши ҳалок бўлди ва яна уч киши жароҳат олди, деб хабар беради Sky News.
Маълумотларга кўра, кўнгилсиз ҳодиса 20 июнь куни кечаси шаҳардаги Forbury Gardens боғида содир бўлган. Номаълум кимса пичоқ билан дам олувчиларга ташланиб қолган.
Полиция жиноятчини зудлик билан қўлга олишга муваффақ бўлган. Дастлабки маълумотларга кўра, бу 25 ёшли Ливан фуқароси. Полиция унинг яшаш жойида тинтув ўтказган.
Ҳозирча йигит нима сабабдан бу каби жиноятга қўл ургани номаълум. Маълум қилинишича, ҳужум теракт сифатида қаралмаяпти, шунингдек, унинг ирқчиликка қарши ўтказилган норозилик намойишига ҳам боғлиқлиги йўқ.
Изоҳ (0)