Тошкент шаҳрининг Яшнобод туманидаги Абдулла Қодирий кўчасидан Кичик ҳалқа йўлига ўтиш жойи очилди. Бу ҳақда Тошкент шаҳар ИИББ ЙҲХБ хабар қилди.
«Қўшимча қулайликлар яратиш мақсадида Тошкент шаҳар ИИББ ЙҲХБ ташаббуси билан пойтахт ҳокимлиги билан ҳамкорликда Абдулла Қодирий кўчасидан Кичик ҳалқа йўлига ўтиш йўлини очиш бўйича ишлар олиб борилди», – дейилган бошқарма баёнотида.
Эслатиб ўтамиз, 10 июнь куни Тошкент шаҳар ҳокимлиги Абдулла Қодирий кўчасидан Махтумқули кўчасига (эски ТошМИ) олиб чиқувчи қўшимча йўл таъмирлаш ишлари олиб борилиши сабабли 13 июнгача ёпилишини маълум қилгани ҳақида хабар берилганди.
8 июнда Тошкент шаҳридаги кичик ҳалқа йўли кўчасида ва ушбу кўча билан бошқа кесишмаларда йўлни таъмирлаш ишлари амалга оширилиши, Фарғона йўли ва кичик ҳалқа йўли кўчалари кесишмасидан Фарғона йўли кўчасининг 8 март кўчаси билан кесишмасигача бўлган автомобиль йўлининг бир томони ҳамда Фарғона йўли кўчасининг Мухтор Ашрафий кўчаси билан кесишмасидан Жарқўрғон кўчаси кесишмасига бўлган оралиқдаги кўприкнинг бир томонлама ҳаракатланиш қисми ёпилиши хабар қилинган.
Изоҳ (0)