Туркиянинг Turkish Airlines халқаро авиакомпанияси Истанбул–Тошкент авиарейслари қайта йўлга қўйилишини маълум қилди. Бу ҳақда компаниянинг расмий сайтида хабар берилган.
Хабарга кўра 2020 йил 1 июлдан бошлаб Turkish Airlines Истанбул–Тошкент–Истанбул рейсларини амалга оширади. Самолётлар ҳафтасига тўрт марта: Истанбулдан Тошкентга сешанба, чоршанба, шанба ва якшанба кунлари, Тошкентдан Истанбулга эса душанба, сешанба, жума ва шанба кунлари қатновларни амалга оширади.
Мавзуга доир: Жанубий Кореянинг Асиана Airlines компанияси июнь—июль ойларида Ўзбекистонга бир нечта рейсларни амалга оширади
Бундан ташқари, 1 июлдан бошлаб Туркия авиакомпанияси маҳаллий авиақатновлар, хусусан, Анталияга парвозлар амалга оширилишини (бир ҳафтада 28 та парвоз) билдирган. Истанбул–Анталия–Истанбул рейси нархи 62 доллардан бошланади.
Туркияда хорижликларнинг мамлакатга киришга рухсат берилган, бироқ чегарадан ўтиш вақтида тиббий назорат амалга оширилади, коронавирус билан касалланиш белгилари кузатилган йўловчилар COVID-19’га тест билан текшириш марказларига юборилиши мумкин.
Изоҳ (0)