АҚШ давлат котиби Майкл Помпео Трампнинг миллий хавфсизлик масалалари бўйича собиқ маслаҳатчиси Жон Болтоннинг махфий маълумотларни ўз ичига олган мемуарларни нашр этиш тўғрисидаги қарорини қоралади ва уни сотқин деб атади.
Помпеонинг сўзларига кўра, у Болтоннинг асарини тўлиқ ўқимаган, аммо у ўқиган парчалардан собиқ маслаҳатчи «жуда кўп ёлғон баёнотлар, ярим ҳақиқат ва очиқдан очиқ уйдирмалар тарқатмоқда», деган хулосага келган.
«Жон Болтоннинг сўнгги жамоатчилик роли бу ўз халқининг муқаддас ишончини суиистеъмол қилиб Америкага зарар этказган хоин бўлиши ҳам аянчли, ҳам хавфлидир», — деб ёзган у Twitter’даги саҳифасида.
Болтоннинг ҳали чоп этилмаган китобидан парчалар биринчи марта январь ойида нашр этилган. Унда Украинага ҳарбий ёрдам ажратиш тўғрисида АҚШ президенти Дональд Трамп билан 2019 йил ёзида бўлиб ўтган суҳбати тилга олинган. Ўшанда New York Times Болтоннинг китоби, агар президентнинг собиқ маслаҳатчиси давлат раҳбари импичменти бўйича Сенатга чақирилгудек бўлса, ўқиб эшиттириши мумкин бўлган «қораламалар» эканлигини таъкидлаганди.
Эслатиб ўтамиз, 71 ёшли Жон Болтон 2018 йилнинг апрель ойидан Трампнинг миллий хавфсизлик бўйича маслаҳатчиси бўлган. 2019 йилнинг кузида у президент ташаббуси билан истеъфога чиққан. Трамп Болтоннинг бўшатилишига улар ўртасида юзага келган келишмовчилик сабаб бўлганини айтган.
Мавзуга доир:
- АҚШ Адлия вазирлиги Оқ уйдаги фаолияти ҳақида китоб нашр этмоқчи бўлган Трампнинг собиқ ёрдамчисини судга берди
- Трампнинг собиқ ёрдамчиси у АҚШ президентлигига қайта сайланиши учун Си Цзиньпиндан ёрдам сўраганини маълум қилди
- Трампнинг собиқ маслаҳатчиси президент Буюк Британияда ядро қуроли борлиги ҳақида билмаганини маълум қилди
Изоҳ (0)