Ўзбекистонда 20 июнь соат 10:00 ҳолатига кўра, коронавирус инфекцияси қайд этилганлар сони 79 кишига ортиб, 6025 кишига етди. Бу ҳақда Соғлиқни сақлаш вазирлиги хабар берди.
Янги касалланиш ҳолатларининг 70 нафари карантин марказидаги фуқаролар орасида, 9 нафари Тошкент вилоятида — хориждан чегара пост орқали мамлакатга кириб келган халқаро юк ташувчи автомашина ҳайдовчиларида аниқланган.
Айни пайтда Ўзбекистонда 4273 нафар коронавирус инфекциясига чалинган фуқаролар (70 фоиз) соғайган, 1733 нафар беморга шифокорлар томонидан белгиланган стандартлар бўйича даво чоралари кўрилмоқда. Улардан 15 нафари оғир, 1 нафари ўта оғир аҳволда.
Мамлакатда коронавирус пандемияси бошланганидан буён ҳозирга қадар 19 нафар фуқаро касаллик асоратларидан вафот этган.
Эслатиб ўтамиз, 19 июнь куни Ўзбекистонда коронавирус юқтириб олиш билан боғлиқ 179 та янги ҳолат қайд этилган ва аҳволи оғир беморлар сони кўпайган.
Изоҳ (0)