Ўзини ўзи молиялаштиришга ўтган Тошкент давлат юридик университети, Тошкент давлат иқтисодиёт университети, Самарқанд давлат чет тиллар институти, Самарқанд иқтисодиёт ва сервис институти ҳамда Тошкент давлат шарқшунослик институтлари талабалар учун тўлов-контракт пули миқдорини эълон қилган. Бу ҳақда блогер Хушнудбек Худойбердиев Telegram’даги каналида хабар қилган.
2020 йил 12 июнда қабул қилинган ПҚ–4749-сонли Президент қарорининг 6-бандида ўзини ўзи молиялаштириш тизимига ўтган олий таълим муассасаларига тўлов-контракт асосида ўқитиш қийматини ўзи белгилаш ҳуқуқи берилган. Шунингдек уларга бир ҳафта ичида контракт миқдорларини ОАВда эълон қилиш топширилган эди.
Мавзуга доир:
Юридик университетда контракт нархи аввалгидан кўтарилиб кетмаган, аксинча бироз арзонлашган.
Шунингдек, Олий ва ўрта махсус таълим вазирлиги матбуот хизмати 19 июнда ўзини-ўзи молиялаштириш тизимига ўтган 10 та ОТМ раҳбарлари иштирокида мажлис ўтказилгани, унда Президент қароридан келиб чиқиб, тўлов-контракт асосида ўқитиш қийматини белгилаш масаласи муҳокама қилинганини хабар қилган.
Хабарда пандемия шароитидан келиб чиқиб, аҳолининг ижтимоий ҳимоясини таъминлаш, талаба-ёшларнинг таҳсил олиши учун қулай шароитларни яхшилаш мақсадида 2020/2021-ўқув йили учун тўлов-контракт миқдорини оширмасликка қарор қилингани таъкидланган.
Мавзуга доир:
- Ўзбекистонда кейинги ўқув йилидан фақат давлат гранти квоталари белгиланади. Тўлов-контракт бўйича қабул квотасини ОТМлар мустақил белгилайди
- Ўзбекистонда 2019/2020-ўқув йилида қанча талаба бакалавриатда таҳсил олгани маълум қилинди
- Ўзбекистон ОТМларига кириш учун 2020 йилда 7 тоифадаги 8694 нафар абитуриентга имтиёзли давлат гранти ажратилади
Изоҳ (0)