АҚШ президенти Дональд Трамп президентлик сайловларида Демократлар партияси вакиллари томонидан қўллаб-қувватланаётган почта орқали овоз бериш жараёнларида рақибларига ютқазиб қўйиши мумкин. Бу ҳақда Трамп The Wаshington Times’га берган интервьюсида маълум қилди.
«Почта орқали овоз бериш — мен ютқазишим мумкин бўлган ягона вариант, чунки демократлар алдайди, талайди ва ўғрилик қилади», — дейди Америка етакчиси. Трампнинг сўзларига кўра, демократлар айрим ҳудудларга, асосан, республикачилар позицияси кучли бўлган минтақаларга бюллетень юбормаяпти. Америка президентининг таъкидлашича, бу каби овоз бериш усули қонун бузилишига олиб келиши мумкин.
Шунингдек, Трамп собиқ вице-президент Жо Байденни 2016 йилги сайловларда ўзига рақиб бўлган АҚШ собиқ давлат котиби Ҳиллари Клинтон билан таққослаганда энг кучсиз сиёсий рақиб деб ҳисоблайди.
«У кучсиз, бироқ машина (Демократлар партияси) кучлироқ, чунки улар умидсизликда», — дейди Трамп.
Аввалроқ Трамп АҚШ президентлиги сайловларида ютқазса, нима билан шуғулланишини айтган эди.
Мавзуга доир:
Изоҳ (0)