2020 йил 7 мартдан Jizzakh Petroleum МЧЖ қўшма корхонаси ишончли бошқарувига берилган «Фарғона нефтни қайта ишлаш заводи» ишлаб чиқариш объектларини реконструкция қилиш ва янги ишлаб чиқариш қувватларини қуриш лойиҳасини тасдиқлади. Лойиҳанинг умумий бюджети 300 миллион АҚШ долларини ташкил этади. Бу ҳақда Энергетика вазирлигининг матбуот хизмати хабар берган.
Вазирлар Маҳкамасининг 2020 йилнинг 7 февралдаги «Фарғона нефтни қайта ишлаш заводи» МЧЖ қувватидан самарали фойдаланиш ва заводни модернизация қилишни амалга ошириш чора-тадбирлари тўғрисидаги қарорига кўра, 2023 йил 1 июлдан бошлаб завод Аи-92 бензини ҳамда «Евро-5» стандартидаги дизель ёқилғиси ишлаб чиқариши ҳамда халқаро стандартларга мос келадиган базавий ва мотор мойлари ишлаб чиқариш учун нефть блокларини модернизация қилиши керак.
Компания 2020 йилдан 2023 йилгача юқори концентрацияланган водородни ишлаб чиқариш, енгил нафта изомеризацияси ва вакуум дистиллятларини гидрокрексия қилиш учун асбоб-ускуналар ва материалларни лойиҳалаш, сотиб олиш, янги заводлар ва жараёнларни қуриш ва фойдаланишга топширишни режалаштирган.
Мавзуга доир: Бухоро нефтни қайта ишлаш заводида Аи-80 маркали бензин ишлаб чиқаришдан бутунлай воз кечиш режалаштирилмоқда
Модернизациялашда асосий асбоб-ускуна ва воситалар Франциянинг Axens компанияси томонидан етказиб берилади. Базавий лойиҳалар дизайни билан Италиянинг Wood муҳандислик ширкати шуғулланади.
Изоҳ (0)