UFC президенти Дэйна Уайт ушбу промоушен тарихидаги энг яхши тўрт нафар жангчининг номларини айтди.
Қайд этиш жоиз, ташкилот раҳбари ушбу рўйхатга енгил вазн тоифаси чемпиони Ҳабиб Нурмагомедов ва икки вазнда промоушен собиқ чемпиони Конор Макгрегорни киритмади.
«Агар энг яхши тўрт нафар жангчи ҳақида гапирадиган бўлсак, Ройс Грэйсини (90 йиллар бошидаги UFC’нинг биринчи мусобақалари ғолиби) танлаш зарур. Бунинг сабаби аниқ. Шунингдек, Аманда Нуньесни ҳам таъкидлаш керак. У — UFC тарихдаги энг яхши аёл жангчи.
Очиғи, яна иккитасини танлашга қийналяпман. Жон Жонсни танлайман. У бирон марта ҳам ютқазмаган. Тўртинчи ўринга эса Чак Лидделлни қўяман. Ўша вақтларда у UFC тарихидаги энг катта юлдуз эди. Аммо, Чак Лидделл ва Форрест Гриффин ўртасида танлов қилиш худди танга ташлашга ўхшайди», — деди Уайт.
Мавзуга доир: Дэйна Уайт фаолиятини якунлаган Конор ҳақида: Ким мен билан кетишни хоҳламаса, автобусдан йўқолсин
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)