Ўзбекистон Республикаси Вазирлар Маҳкамасининг 2020 йил 17 июндаги қарорига кўра, Абдулазиз Ҳайдаров Молия вазирлиги ҳузуридаги бюджетдан ташқари Пенсия жамғармасининг ижро этувчи директори лавозимига тайинланди. Бу ҳақда ЎзА хабар берди.
Абдулазизов Ҳайдаров аввал Молия вазирлигининг Давлат органлари, прокуратура ва суд тизими фаолиятини молиявий таъминлаш бошқармаси бошлиғи лавозимида фаолият олиб борган.
Пенсия жамғармаси раҳбари лавозими 30 мартда Баҳром Ашрафхонов ишдан кетиб, Ўзбекистоннинг Озарбайжондаги фавқулодда ва мухтор элчиси этиб тайинланганидан бери вакант эди. Ашрафхонов жамғарма директори лавозимда 2019 йил сентябрдан 2020 йил март ойига қадар фаолият юритган.
Изоҳ (0)